संघर्ष नायक वृत्तसेवा (ता.१०)

संघर्ष नायक वृत्तसेवा

मुख्य संपादक:

sangharshnayak.co.in

The post सागर शेलार यांना राज्य शासनाचा ‘छत्रपती शिवाजी महाराज वनश्री पुरस्कार’ जाहीरवनसंवर्धन क्षेत्रातील उल्लेखनीय कार्याची राज्यस्तरीय दखल; विविध मान्यवरांच्या समितीकडून निवड appeared first on SANGHARSH NAYAK.

मुख्यमंत्री समृद्ध पंचायत राज अभियान २०२५-२६ अंतर्गत ग्रामपंचायत पारगाव, ता. दौंड, येथे मूल्यांकन प्रक्रिया पार पडली.आज (दि.१३) रोजी पंचायत समिती उरण, जि. रायगड येथील विशेष मूल्यांकन समिती उपस्थित होती. यावेळी आलेल्या सर्व समिती अधिकाऱ्यांचे स्वागत करण्यात आले.छत्रपती शिवाजी महाराज यांच्या पुतळ्याला पुष्पहार घालून त्यांची गावच्या मुख्य पेठेतून सवाद्य मिरवणूक काढण्यात आली.

या समितीत उरण पंचायत समिती चे गट विकास अधिकारी सर्जेराव पाटील, विस्तार अधिकारी (पंचायत) विनोद मिंडे, विस्तार अधिकारी (आरोग्य) महेश काळे, विस्तार अधिकारी (कृषी) नरेश भोनकर तसेच तालुका समन्वयक हरिष आहेर यांनी ग्रामपंचायतीच्या विविध कामांचे सखोल मूल्यांकन केले.

अभियान कालावधीत पंचायत समिती दौंडचे गट विकास अधिकारी अरुण मरभळ, विस्तार अधिकारी संजय शिंदे तसेच कृषी अधिकारी रमेश भद्रोड यांनी मार्गदर्शन व सहकार्य केले. त्यांच्या मार्गदर्शनामुळे अभियानात प्रभावी सहभाग घेणे व मूल्यांकन समितीसमोर कामकाज सादर करणे शक्य झाल्याचे ग्रामपंचायत प्रशासनाकडून सांगण्यात आले.

यावेळी जिल्हा परिषद सदस्या डॉ. गायत्री खळदकर, पंचायत समिती सदस्या मनिषा ताकवणे, सरपंच सुभाष बोत्रे, उपसरपंच शुभांगी शिंदे, माजी उपसभापती सयाजी ताकवणे, कृषी उत्पन्न बाजार समितीचे संचालक आत्माराम ताकवणे, सोसायटी संचालक मच्छिंद्र ताकवणे, माजी तंटामुक्ती अध्यक्ष शामराव ताकवणे, ग्रामपंचायत सदस्य, पत्रकार, मुख्याध्यापक, शिक्षकवृंद, ग्रामपंचायत अधिकारी, अंगणवाडी सेविका, आशा स्वयंसेविका, आरोग्य कर्मचारी, बचत गट प्रतिनिधी व ग्रामपंचायत कर्मचारी मोठ्या संख्येने उपस्थित होते.कार्यक्रमाच्या शेवटी ग्रामविकास अधिकारी श्री. मुरलीधर बडे तसेच श्री. रामकृष्ण ताकवणे यांनी उपस्थितांचे आभार मानले.

संघर्ष नायक वृत्तसेवा

मुख्य संपादक:

sangharshnayak.co.in

The post मुख्यमंत्री ग्राम समृद्ध पंचायत राज अभियान अंतर्गत पारगाव ग्रामपंचायततीचे मूल्यांकन appeared first on SANGHARSH NAYAK.

पारगाव ता.दौंड येथील कर्मयोगी कुस्ती प्रशिक्षण केंद्रात सध्या उत्साहपूर्ण वातावरणात उन्हाळी कुस्ती शिबिर सुरू असून विविध तालुक्यांमधून या शिबिराला मोठा प्रतिसाद मिळत आहे. सातारा, शिरूर, दौंड, इंदापूर आणि मावळ तालुक्यातील तब्बल ७५ मुले या शिबिरात सहभागी झाली असून भविष्यात उत्कृष्ट पैलवान घडवण्याचा संकल्प या प्रशिक्षण केंद्रामार्फत राबविला जात आहे.
आजच्या मोबाईल आणि डिजिटल युगात मुलांना मैदानी खेळांची आवड निर्माण व्हावी, शरीर सुदृढ राहावे आणि ग्रामीण भागातील पारंपरिक कुस्ती संस्कृती जपली जावी या उद्देशाने या उन्हाळी शिबिराचे आयोजन करण्यात आले आहे. कुस्तीतील माती आणि गादी या दोन्ही प्रकारांमध्ये मुलांना विशेष प्रशिक्षण दिले जात असून प्रत्येक डाव, तंत्र, बारकावे, शारीरिक क्षमता, चपळता आणि मानसिक तयारी यावर अनुभवी प्रशिक्षकांकडून सखोल मार्गदर्शन केले जात आहे.
शिबिरामध्ये सहभागी खेळाडूंसाठी उत्कृष्ट निवास व्यवस्था, शिस्तबद्ध प्रशिक्षण आणि पौष्टिक आहाराची विशेष सोय करण्यात आली आहे. सकाळचा नाश्ता, दूध, बदामाची थंडाई, फळे तसेच दुपारच्या जेवणात दोन भाज्या, चटणी, लोणचे, दही यांचा समावेश असून संध्याकाळी आठवड्यातून चार वेळा मांसाहारी जेवण दिले जाते. अत्यंत माफक शुल्कात ही सुविधा उपलब्ध करून देण्यात आल्याने पालकांकडून समाधान व्यक्त केले जात आहे. खेळाडूंच्या शारीरिक विकासासाठी आवश्यक पोषणमूल्यांचा विशेष विचार केला जात असून मुलांना घरच्यासारखे वातावरण मिळत आहे.
राष्ट्रीय कुस्ती पंच पै. रवींद्र बोत्रे यांच्या मार्गदर्शनाखाली सर्व मुले सराव करीत आहेत.कर्मयोगी कुस्ती प्रशिक्षण केंद्राचे वैशिष्ट्य म्हणजे येथे केवळ शिबिरापुरते प्रशिक्षण न देता गुणवंत आणि कुस्तीची खरी आवड असलेल्या मुलांची निवड करून त्यांना पुढील काळात कायमस्वरूपी प्रशिक्षणाची संधी दिली जाते. या केंद्रातून आतापर्यंत राज्य व राष्ट्रीय स्तरावरील अनेक पैलवान घडले असून यंदाच्या शिबिरातूनही गुणवंत खेळाडू घडवण्यासाठी केंद्र प्रयत्नशील आहे.
ग्रामीण भागातील युवकांनी व्यसनांपासून दूर राहून खेळाकडे वळावे, शिस्तबद्ध जीवन जगावे आणि महाराष्ट्राची पारंपरिक कुस्ती संस्कृती अधिक बळकट व्हावी, या उद्देशातून हे शिबिर प्रेरणादायी ठरत आहे. परिसरातील पालक व नागरिकांकडून या उपक्रमाचे कौतुक होत असून भविष्यात अनेक नामांकित पैलवान या प्रशिक्षण केंद्रातून घडतील, असा विश्वास कर्मयोगी कुस्ती केंद्राचे प्रमुख मा. माऊली ताकवणे यांनी व्यक्त केले .

संघर्ष नायक वृत्तसेवा

मुख्य संपादक:

sangharshnayak.co.in

The post कर्मयोगी कुस्ती प्रशिक्षण केंद्राच्या उन्हाळी शिबिराला उत्स्फूर्त प्रतिसाद appeared first on SANGHARSH NAYAK.

पारगाव ता. दौंड येथील न्यू इंग्लिश स्कूल व ज्युनिअर कॉलेजने फेब्रुवारी-मार्च २०२६ मध्ये जाहीर झालेल्या उच्च माध्यमिक (एच.एस.सी.) व माध्यमिक (एस.एस.सी.) परीक्षांमध्ये उत्कृष्ट निकालाची परंपरा कायम राखत उल्लेखनीय यश संपादन केले आहे. गुणवत्तेच्या बाबतीत विद्यालयाने पुन्हा एकदा आपले वर्चस्व सिद्ध केले आहे.

बारावीच्या निकालात विज्ञान शाखेने १०० टक्के निकालाची नोंद करत सर्वांचे लक्ष वेधले. कला शाखेचा निकाल ७२ टक्के तर वाणिज्य शाखेचा निकाल ८८.६७ टक्के लागला. विज्ञान शाखेत कु. ज्ञानेश्वरी गोविंद जगदाळे हिने ६९.८३ टक्के गुण मिळवत प्रथम क्रमांक पटकावला. कला शाखेत कु. श्रुती लक्ष्मण हेकड हिने ६५.८३ टक्के गुणांसह अव्वल स्थान मिळवले. वाणिज्य शाखेत ओंकार संजय वडेकर याने ५८.५० टक्के गुण मिळवत प्रथम क्रमांक मिळवला.

दहावीच्या (एस.एस.सी.) परीक्षेतही विद्यालयाने ९६.३६ टक्के निकालाची नोंद करत उज्ज्वल यश संपादन केले. कु. समृद्धी राजन चव्हाण हिने ९४.८० टक्के गुणांसह प्रथम क्रमांक मिळवला. कु. श्रेया प्रतीक ताकवणे हिने ९२.८० टक्के गुण मिळवत द्वितीय क्रमांक पटकावला, तर कु. जिया जुबेर मुल्ला हिने ८९.८० टक्के गुणांसह तृतीय क्रमांक मिळवला.याशिवाय, इयत्ता आठवीतील कु. संस्कृती संदीप नारगे हिने एन.एम.एम.एस. शिष्यवृत्ती परीक्षेच्या गुणवत्ता यादीत स्थान मिळवत विद्यालयाच्या यशात आणखी भर घातली आहे.

विद्यालयाचे प्राचार्य श्री. कृष्णा जगदाळे यांनी सर्व यशस्वी विद्यार्थ्यांचे अभिनंदन करत, विद्यार्थ्यांची मेहनत, शिक्षकांचे मार्गदर्शन व पालकांचे सहकार्य यामुळेच हा उल्लेखनीय निकाल शक्य झाल्याचे सांगितले.
विद्यार्थ्यांच्या या यशाबद्दल शाळा समिती, व्यवस्थापन समिती, माजी विद्यार्थी संघ तसेच ग्रामस्थांनी समाधान व्यक्त करून सर्व विद्यार्थ्यांचे व शिक्षकांचे अभिनंदन केले.

संघर्ष नायक वृत्तसेवा

मुख्य संपादक:

sangharshnayak.co.in

The post इंग्लिश स्कूल व ज्युनिअर कॉलेजचा घवघवीत यशाचा धडाका appeared first on SANGHARSH NAYAK.

डॉ.बाबासाहेब आंबेडकर यांच्या १३५ जयंतीनिमित्त उरुळी कांचन परिसरात सामाजिक बांधिलकी जपत अण्णा भाऊ साठे क्रांती फोर्सतर्फे मोफत रिक्षा प्रवासाची सेवा देण्यात आली. या उपक्रमाचे आयोजन संघटनेचे जिल्हअध्यक्ष अनिल कांबळे व त्यांच्या मित्र परिवाराच्या वतीने करण्यात आले.

भीम जयंतीच्या पार्श्वभूमीवर उरुळी कांचन ते हडपसर आणि हडपसर ते उरुळी कांचन असा मोफत रिक्षा प्रवास देण्यात आला होता.गावात विविध कार्यक्रमांचे आयोजन करण्यात आले होते. या कार्यक्रमांना येणाऱ्या नागरिकांना सुलभ व विनामूल्य प्रवासाची सुविधा मिळावी, या उद्देशाने हा उपक्रम राबविण्यात आला. सकाळपासूनच रिक्षा चालकांनी स्वखर्चाने सेवा देत प्रवाशांना गावातील विविध भागात तसेच कार्यक्रम स्थळांवर पोहोचवले.

या उपक्रमाला नागरिकांचा उत्स्फूर्त प्रतिसाद मिळाला. विशेषतः ज्येष्ठ नागरिक, महिला आणि विद्यार्थ्यांनी या मोफत सेवेमुळे दिलासा मिळाल्याची भावना व्यक्त केली. सामाजिक एकात्मता आणि आंबेडकरी विचारांचा प्रसार करण्यासाठी अशा उपक्रमांची गरज असल्याचे मतही अनेकांनी व्यक्त केले.

अनिल कांबळे यांनी सांगितले की,आदरणीय सचिन भाऊ साठे यांच्या मार्गदर्शनाखाली आम्ही आणि मित्रपरिवार समाजकार्य करत असतो.“भीम जयंती हा केवळ उत्सव नसून समाजप्रबोधनाचा दिवस आहे. याच भावनेतून आम्ही दरवर्षी काहीतरी वेगळा सामाजिक उपक्रम राबविण्याचा प्रयत्न करतो.”

या उपक्रमामुळे उरुळी कांचन परिसरात सामाजिक ऐक्याचा संदेश पसरला असून नागरिकांकडून आयोजकांचे आणि मित्रपरिवाराचे सर्वत्र कौतुक करण्यात येत आहे.

संघर्ष नायक वृत्तसेवा

मुख्य संपादक:

sangharshnayak.co.in

The post डॉ.बाबासाहेब आंबेडकर जयंती निमित्त मोफत रिक्षा प्रवास…. अण्णा भाऊ साठे क्रांती फोर्स चा स्तुत्य उपक्रम.. appeared first on SANGHARSH NAYAK.

दौंड तालुक्यात पत्रकारिता क्षेत्रात उल्लेखनीय कामगिरी करत ग्रामीण भागाशी निगडीत विविध प्रश्नांवर निर्भीडपणे आणि सातत्याने लेखन करणारे दैनिक पुढारीचे पत्रकार अक्षय देवडे यांना ‘ग्रामीण पत्रकारिता संघनायक गौरव पुरस्कार’ प्रदान करून सन्मानित करण्यात आले. दौंडचे माजी आमदार रमेश थोरात यांच्या हस्ते हा सन्मान सोहळा पार पडला.

ग्रामीण पत्रकारितेला बळ देणारे आणि समाजातील दुर्लक्षित घटकांचे प्रश्न प्रभावीपणे मांडणाऱ्या देवडे यांच्या कार्याची दखल घेत हा पुरस्कार प्रदान करण्यात आला.

मूकनायक मैत्री संघ आणि दि पिपल्स वेलफेअर अँड डेव्हलपमेंट फाउंडेशन यांच्या संयुक्त विद्यमाने आयोजित कार्यक्रमात हा सन्मान सोहळा पार पडला. भारतरत्न डॉ. बाबासाहेब आंबेडकर यांनी सुरू केलेल्या बहिष्कृत भारत या ऐतिहासिक पाक्षिकाच्या ९९ व्या वर्षपूर्ती निमित्त तसेच साप्ताहिक संघनायकच्या १० व्या वर्धापन दिनानिमित्त या विशेष पुरस्काराचे आयोजन करण्यात आले होते.

अक्षय देवडे यांनी मागील १२ वर्षांपासून दैनिक पुढारीमध्ये कार्यरत राहून ग्रामीण पत्रकारितेला नवे परिमाण दिले आहे. त्यांच्या लेखणीतून ग्रामीण भागातील मूलभूत समस्या प्रभावीपणे मांडल्या गेल्या आहेत. रस्ते, वीज, पाणी, शिक्षण आणि आरोग्य यांसारख्या अत्यावश्यक सुविधांपासून ते बेरोजगारी, स्थलांतर, महिला व बालविकास, सामाजिक अनिष्ट प्रथा, ग्रामीण राजकारण, प्रशासन, ग्रामपंचायत कामकाज, सहकारी संस्था, पर्यावरण संवर्धन आणि नैसर्गिक संसाधनांचा वापर अशा विविध विषयांवर त्यांनी सातत्याने निर्भीडपने लिखाण त्यांनी केले आहे.

त्यांच्या पत्रकारितेची खासियत म्हणजे केवळ बातमी देण्यापुरते मर्यादित न राहता समस्यांच्या मुळाशी जाऊन त्यावर प्रकाश टाकणे आणि प्रशासनाला जागे करण्याची ताकद त्यांच्या लेखणीत आहे. अनेक वेळा त्यांच्या बातम्यांमुळे स्थानिक प्रशासनाने दखल घेऊन प्रश्न मार्गी लावले असल्याचेही दिसून आले आहे.

पत्रकारिता क्षेत्राबरोबरच सामाजिक बांधिलकी जपत अक्षय देवडे विविध सामाजिक उपक्रमांमध्येही सक्रिय असतात. युवकांमध्ये जागृती निर्माण करणे, शैक्षणिक क्षेत्रात मार्गदर्शन करणे, पदवीधर आणि पदव्युत्तर विद्यार्थ्यांना करिअर संदर्भात दिशा देणे, तसेच सामाजिक विषयांवर प्रबोधनपर व्याख्याने देणे हा त्यांचा छंद आहे..

अक्षय देवडे यांनी आपल्या पत्रकारितेतून ग्रामीण भागातील रस्ते, पाणी, वीज, शिक्षण, आरोग्य, बेरोजगारी, स्थलांतर तसेच सामाजिक आणि विकास विषयांवर सातत्याने सडेतोड भूमिका मांडली आहे. त्यांच्या लेखणीतून अनेक प्रश्नांना वाचा फुटली असून प्रशासनालाही अनेक वेळा कारवाई करावी लागली आहे.

ग्रामीण भागातील सामान्य नागरिकांच्या समस्या समाजासमोर आणून त्यांना न्याय मिळवून देण्याचे कार्य त्यांनी सातत्याने केले आहे. त्यामुळेच त्यांच्या कार्याची दखल घेत हा सन्मान देण्यात आला आहे. या सन्मानामुळे दौंड तालुक्यातील पत्रकारिता क्षेत्राला एक नवी प्रेरणा मिळाली असून, अक्षय देवडे यांच्या पुढील वाटचाली साठी विविध स्तरातून शुभेच्छांचा वर्षाव होत आहे.

या सन्मानामुळे त्यांच्या कार्याचा गौरव झाला असून दौंड तालुक्यातील पत्रकारिता क्षेत्रात त्यांच्या कार्याची प्रेरणादायी नोंद झाली आहे.

संघर्ष नायक वृत्तसेवा

मुख्य संपादक:

sangharshnayak.co.in

The post दौंड तालुक्यातील पत्रकार अक्षय देवडे यांना ग्रामीण पत्रकारिता गौरव पुरस्कार प्रदान appeared first on SANGHARSH NAYAK.

विरबॅक ॲनिमल हेल्थ इंडिया प्रा. ली. या कंपनीच्या सीएसआर निधीतून जिल्हा परिषद प्राथमिक शाळा पारगाव येथे विद्यार्थ्यांना शंभर शालेय बाकांचे चे वाटप करण्यात आले. या उपक्रमामुळे विद्यार्थ्यांमध्ये आनंदाचे वातावरण निर्माण झाले.

कार्यक्रमाच्या निमित्ताने कंपनीचे मॅनेजर श्री. नितीन पवार, श्री. कल्याण चंदनशिवे, श्री. अभिषेक टिकल तसेच गावातील पशुवैद्य डॉ. ज्ञानदेव( माऊली) बोत्रे, डॉ. राहुल ताकवणे, डॉ. अमोल जामले, डॉ. राहुल गोलांडे आदी मान्यवर उपस्थित होते. या कामी गावातील पशु वैद्यकीय डॉक्टरांनी श्रम घेतले.

शाळा व शाळा व्यवस्थापन समिती तसेच ग्रामस्थांच्या वतीने उपस्थित मान्यवरांचा सत्कार करण्यात आला. या कार्यक्रमाला पंचायत समितीच्या नवनिर्वाचित सदस्या सौ. मनीषा संतोष ताकवणे, माजी उपसभापती सयाजी ताकवणे, सरपंच श्री. सुभाष बोत्रे, दौंड तालुका कृषी उत्पन्न बाजार समितीचे संचालक श्री. पोपटराव ताकवणे, माजी सरपंच श्री सर्जेराव जेधे, ग्रामपंचायत सदस्य किसन जगदाळे,ग्रा. पं. सदस्य रामकृष्ण ताकवणे, सामाजिक कार्यकर्ते विशाल ताकवणे, गणेश बोत्रे यांच्यासह ग्रामस्थ, पालक व महिला भगिनी मोठ्या संख्येने उपस्थित होत्या.
या वेळी शाळा व्यवस्थापन समितीचे अध्यक्ष मनोज बोत्रे, उपाध्यक्षा रेखाताई भोसले, केंद्रप्रमुख श्याम बेंद्रे, मुख्याध्यापिका सौ. विजयश्री जगताप व सर्व शिक्षक उपस्थित होते.

कार्यक्रमाचे सूत्रसंचालन श्री. शहाजी गिरे यांनी केले. सयाजी ताकवणे यांनी मनोगत व्यक्त केले, तर कंपनीचे मॅनेजर नितीन पवार यांनी विद्यार्थ्यांना मार्गदर्शन करत कंपनीच्या सामाजिक उपक्रमांचा हेतू स्पष्ट केला.
कार्यक्रमाच्या शेवटी मुख्याध्यापिका सौ. विजयश्री जगताप यांनी आभार प्रदर्शन करून कार्यक्रमाची सांगता केली.

संघर्ष नायक वृत्तसेवा

मुख्य संपादक:

sangharshnayak.co.in

The post विरबॅक ॲनिमल हेल्थ इंडिया प्रा.ली कंपनीच्या माध्यमातून झेड पी शाळेस शंभर बाक वाटप. appeared first on SANGHARSH NAYAK.

---

शिक्षक नवनवीन स्तुत्य उपक्रम राबवतात……
ज़िल्हा परिषद प्राथमिक शाळेच्या विद्यार्थ्यांना शालेय जीवनात शिक्षणासोबत नवनवीन गोष्टी,कृती,भाषण,स्पर्धा,उपक्रम त्याचबरोबर त्यांचे व्यवहारिक कौशल्य सुधारावे, त्यांना दैनंदिन जीवनात व्यवहार कौशल्य अवगत व्हावे यासाठी शाळेचे सर्व शिक्षक खूप प्रयत्न करतात.
-सचिन खंडाळे (अध्यक्ष शाळा व्यवस्थापन समिती नाथाचीवाडी)

---

 मेळाव्यास ग्रामस्थ व पालकांच उत्स्फूर्त प्रतिसाद…
शाळेतील विद्यार्थी यांनी ताज्या भाजीसह, खाऊंचे, नाश्त्याचे पदार्थ आणले होते.स्टॉल लावण्यात आले होते. शिक्षकांचे मार्गदर्शन विद्यार्थ्यांना उत्तम प्रकारे लाभले, गावातील गावकरी यांनी देखील चांगल्या प्रकारे या बाल आनंदी मेळाव्यास प्रतिसाद दिला. शालेय व्यवस्थापन समिती आणि सर्व शिक्षक वृंद यांचे आभार.
   –संदिप गडदे (सामाजिक कार्यकर्ते)

---

 

संघर्ष नायक वृत्तसेवा

मुख्य संपादक:

sangharshnayak.co.in

The post जि.प.प्रा.शाळा नाथाचीवाडीत बालआनंद मेळाव्याचे आयाेजन‎, विद्यार्थ्यांना व्यावहारिक ज्ञान मिळण्यासाठी शिक्षक आणि व्यवस्थापन समितीचा स्तुत्य उपक्रम…. appeared first on SANGHARSH NAYAK.