संघर्ष नायक वृत्तसेवा इंदापूर (दि.१९)
भारताचे लोहपुरुष सरदार वल्लभभाई पटेल यांच्या १५१ व्या जयंतीनिमित्त राष्ट्रीय एकता दिवसाच्या पार्श्वभूमीवर आयोजित मोटारसायकल रॅलीचे स्वागत करण्यासाठी इंदापूर शहर व परिसरातील नागरिकांनी मंगळवारी (दि. २० ऑक्टोबर) सकाळी ११ वाजता इंदापूर पोलीस ठाण्यात उपस्थित राहावे, असे आवाहन इंदापूर पोलीस ठाणे आणि पुणे ग्रामीण पोलिसांच्या वतीने करण्यात आले आहे.
आंध्र प्रदेश, तमिळनाडू, तेलंगणा, पुद्दुचेरी तसेच अंदमान व निकोबार येथील पोलीस अधिकारी व अंमलदारांच्या सहभागातून ही रॅली आयोजित करण्यात आली आहे. गोकुळ हॉटेल, हिंगणगाव येथून पुणे ग्रामीण जिल्ह्याच्या हद्दीत प्रवेश करणारी ही रॅली गुजरातमधील केवडिया येथील ‘स्टॅच्यू ऑफ युनिटी’ येथे जाणार आहे.
राष्ट्रीय एकात्मता, बंधुभाव, देशप्रेम तसेच विविध राज्यांतील पोलीस दलांमधील एकता व समन्वयाचा संदेश देणाऱ्या या उपक्रमात नागरिक, विद्यार्थी, माजी सैनिक, व्यापारी, सामाजिक कार्यकर्ते, विविध संस्थांचे पदाधिकारी, लोकप्रतिनिधी, शिक्षक, डॉक्टर, वकील, पत्रकार, ज्येष्ठ नागरिक आणि सार्वजनिक मंडळांच्या प्रतिनिधींनी सहभागी व्हावे, असे आवाहन इंदापूर पोलिसांनी केले आहे.
रॅलीतील पोलीस अधिकारी व अंमलदारांचे उत्स्फूर्त स्वागत करताना वाहतुकीस अडथळा निर्माण होणार नाही, याची दक्षता घ्यावी आणि पोलीस प्रशासनास सहकार्य करावे, असेही आवाहन इंदापूर पोलीस ठाणेचे पोलीस निरीक्षक विलास नाळे आणि पुणे ग्रामीण पोलीस यांच्या वतीने करण्यात आले आहे.

मुख्य संपादक:






















