BIG BREKING 🔗निवडणुकीच्या कालावधीत दौंड पोलिसांची मोठी कारवाई, कोट्यावधी रुपयांची अवैध दारू जप्त.

दौंड संघर्ष नायक वृत्तसेवा (ता.०५)

जिल्हा परिषद आणि पंचायत समिती निवडणुकांचे वातावरण तापू लागले असताना अवैध दारू वाहतुकी विरोधात राज्य उत्पादन शुल्क विभागाने दौंड तालुक्यात मोठी कारवाई केली असून त्यामध्ये सुमारे कोट्यावधी रुपयांची दारू जप्त करण्यात आली आहे. राज्य उत्पादन शुल्क विभागाने निवडणुकीच्या पार्श्वभूमीवर मोठी कारवाई करण्यात आली असून गोवा बनावटीच्या विदेशी दारूचा मोठा साठा या कारवाई मध्ये जप्त करण्यात आला आहे. या कारवाईमुळे अवैध दारू वाहतूक करणाऱ्यांमध्ये खळबळ उडाली असून अविधवा दारू विक्री करणाऱ्यांचे देखील धाबे दनाणले आहेत.

राज्य उत्पादन शुल्क विभागाच्या भरारी पथकाला गोव्याहून पुणे जिल्ह्यात दारूचा मोठा साठा पाठवला जाणार असल्याची गुप्त माहिती खबऱ्याकडून मिळाली होती.या माहितीच्या आधारे दौंड रेल्वे उड्डाणपुलाजवळ सापळा लावण्यात आला.संशयास्पद हालचाली वरून त्यांनी अशोक लेलँड कंपनीचा ट्रक क्र (एम.एच.१८.बि.जी २३०४) याला थांबवून चौकशी दरम्यान पथकाने ट्रकची तपासणी केली असता आत मोठ्या प्रमाणात विदेशी दारूचे बॉक्स आढळून आले. ट्रकमध्य कोणतेही घरगुती साहित्य किंवा इतर माल न ठेवता थेट बनावट गोवा ब्रँडच्या दारूचे बॉक्स होते. एकूण ११००० दारूचे बॉक्स ट्रकमधून जप्त करण्यात आले.ट्रकसह मुद्देमाल जप्त करण्यात आला असून त्याची अंदाजे किंमत १कोटी ५० लाख रुपये असल्याचे सांगण्यात आले.याप्रकरणी युसुफ शेख या आरोपीला ताब्यात घेण्यात आले आहे. सदर कारवाई राज्य उत्पादन शुल्क आयुक्त डॉ.राजेश देशमुख आणि सहआयुक्त प्रसाद सुर्वे यांच्या मार्गदर्शनाखाली करण्यात आली. निवडणुकीच्या काळात मतदारांना प्रभावित करण्यासाठी या दारूचा वापर होणार होता का, याचा तपास सुरू आहे.या प्रकरणाचा पुढील तपास निरीक्षक विजय रोकडे आणि प्रदीप झुंजरुक करत आहेत.

संघर्ष नायक वृत्तसेवा

मुख्य संपादक: