संघर्ष नायक वृत्तसेवा राहू ता.२९
दौड तालुक्यातील राहू येथील पुणे जिल्हा मध्यवर्ती सहकारी बँकेच्या राहू शाखेत शेतकऱ्यांनी आपले चालू कर्ज भरण्यासाठी मोठी गर्दी केलेली पहायला मिळत असून वेळेवर आणि बँकिंग क्षेत्राचा आर्थिक वर्ष म्हणजे मार्च महिना संपन्यापूर्वी आपले चालू असणारे पीक कर्ज, व इतर कर्ज भरण्यासाठी बँकेच्या कार्यक्षेत्रात येणाऱ्या गावामधून मोठ्या प्रमाणावर शेतकरी यांनी बँकेत गर्दी केली होती.
नियमित कर्ज फेड केल्यानंतर बँकेकडून शून्य टक्के व्याज आकारणी केली जाते.त्यामुळे शेतकऱ्यांमध्ये उत्साहाचे वातावरण दिसून येत आहे.राहू शाखेत सात संलग्न सहकारी संस्था असून त्याला परिसरातील अनेक शेतकरी जोडले गेले आहेत. या सर्वच संस्थांच्या खातेदारांनी पैसे भरण्यासाठी वेळेपूर्वी लगबग केलेली पाहायला मिळत आहे.शासनाच्या कर्ज माफीच्या पार्श्वभूमीवर चालू खात्यासाठी पन्नास हजार प्रोत्साहनपर देण्याचे जाहीर केल्याने देखील चालू खात्याचा भरणा वाढला आहे.
सुट्टीच्या दिवशीही जिल्हा बँक चालू……
कर्जदार खातेदारांची गैरसोय होऊ नये म्हणून पुणे जिल्हा बँकेने शनिवार ,रविवार तसेच शेवटच्या आठवड्यात सर्व सुट्टीच्या दिवशी देखील सर्व शाखांचे व्यवहार चालू ठेवलेले आहेत,की जेणेकरून शेतकऱ्यांना कर्ज भरणा करण्यात अडचण येऊ नये.
मुख्य संपादक:
