शिक्षणासाठी घराबाहेर पडणाऱ्या अल्पवयीन विद्यार्थिनींच्या सुरक्षिततेवरच प्रश्नचिन्ह निर्माण करणारी धक्कादायक घटना पारगाव परिसरात घडली आहे.पारगाव येथील न्यू इंग्लिश स्कूलमध्ये शिक्षण घेणाऱ्या पारगाव येथील अल्पवयीन विद्यार्थिनींची भररस्त्यात छेडछाड केल्याप्रकरणी दौंड तालुक्यातील खुटबाव येथील प्रमोद ऊर्फ प्रवीण गणपत थोरात आणि दिनेश दत्तात्रय पासलकर या दोघांविरुद्ध पोक्सो कायद्यांतर्गत गुन्हा दाखल करण्यात आला आहे.

मंगळवार दि.२८ रोजी सायं ५ वाजता शाळा सुटल्यानंतर पारगाव फाटा येथे घरी जाण्यासाठी थांबलेल्या शाळेतील अल्पवयीन विद्यार्थिनींसमोर आरोपी चारचाकी वाहनातून आले आणि त्यांनी असभ्य वर्तन करत मुलींना त्रास दिल्याचा आरोप आहे.या प्रकारामुळे विद्यार्थिनी प्रचंड घाबरल्या.त्यांनी तत्काळ जवळील युवकांना माहिती दिल्यानंतर संतप्त युवकांनी आरोपींचा तब्बल २५ किलोमीटर पाठलाग केला. मात्र, आरोपी पसार होण्यात यशस्वी झाले.

न्यू इंग्लिश स्कूल पारगाव व्यवस्थापन समिती अध्यक्ष वैभव बोत्रे यांनी तात्काळ उपस्थित राहून माहिती घेतली आणि संबंधित विद्यार्थिनींच्या कुटुंबियांना धीर दिला.सदर मुलीच्या कुटुंबियांनी यवत पोलीस ठाणे अंकित केडगाव पोलीस ठाण्यात तक्रार दिल्यानंतर पोलीस उपनिरीक्षक (PSI) किशोर वागज यांनी तातडीने कारवाई करत दोन्ही आरोपींना व या गुन्ह्यात वापरण्यात आलेली चार चाकी युको गाडी क्र. (एम.एच ४२.बी.एस 8535) जप्त करून आरोपीना अटक केली.

आज दि. २९ रोजी बारामती सत्र न्यायालयात हजर केले असता न्यायालयाने आरोपींना न्यायालयीन कोठडी सुनावली.या प्रकरणाचा पुढील तपास पोलीस उपनिरीक्षक (PSI) किशोर वागज करीत आहेत.

शालेय विद्यार्थिनींच्या सुरक्षेचा प्रश्न दिवसेंदिवस गंभीर होत असून, शाळा परिसर व बसथांब्यांवर पोलिसांची गस्त वाढविणे, तसेच अशा विकृत प्रवृत्तीच्या व्यक्तींवर कठोर आणि जलद कारवाई करण्याची मागणी पालक व नागरिकांकडून जोर धरत आहे.

संघर्ष नायक वृत्तसेवा

मुख्य संपादक:

sangharshnayak.co.in

The post शालेय अल्पवयीन विद्यार्थिनीची छेडछाड प्रकरणी दोन युवकांवर पोस्को अंतर्गत यवत पोलीस ठाण्यात गुन्हा दाखल….न्यायालयीन कोठडीत रवानगी…. appeared first on SANGHARSH NAYAK.

संघर्ष नायक वृत्तसेवा

मुख्य संपादक:

sangharshnayak.co.in

The post यवत येथे आमदार राहुल कुल विचारमंचच्या तरुणांकडून वारकऱ्यांची सेवा; अल्पोपहार व जीवनावश्यक साहित्याचे वाटप…नाश्ता, चहा, पिण्याचे पाणी, साबण आदींचे वितरण; सेवाभावातून जपली वारकरी परंपरा appeared first on SANGHARSH NAYAK.

श्री क्षेत्र संगम वाळकी (ता. दौंड) येथील श्री संतराज महाराज यांच्या पालखी सोहळ्याचे आषाढी वारीसाठी शनिवारी (दि. ११) दुपारी १ वाजता भक्तिमय वातावरणात प्रस्थान झाले. विठ्ठल नामाच्या अखंड गजरात हजारो वारकरी पालखीसोबत पंढरपूरच्या दिशेने मार्गस्थ झाले. कोंडे वस्ती या ठिकाणी वारकऱ्यांना खिचडी फराळाचे वाटप करण्यात आले.
त्यानंतर पालखी मुक्कामासाठी एकेरीवाडीकडे रवाना झाली. यंदा नानगाव येथील सुभाष इंदलकर यांच्या ‘सर्जा-राजा’ बैलजोडीला तसेच पारगाव येथील मंदोदरी ताकवणे यांच्या ‘हिरा-पोपट ‘ बैलजोडीला पालखीचा रथ ओढण्याचा मान मिळाला. बाळासाहेब शितोळे यांची नगाऱ्याची गाडी, मानाचा ‘हिरा’ अश्व आणि त्यामागे श्री. संतराज महाराजांची पालखी असा भव्य सोहळा भीमा नदीच्या पुलावरून जात असताना हेलिकॉप्टर मधून होणारी पुष्पवृष्टी भाविकांनी मोबाईल कॅमेऱ्यांत कैद केली .
यंदा पालखी सोहळ्याचे ५९ वे वर्ष असून तालुक्यासह बाहेरील सुमारे १० हजार भाविकांनी उपस्थिती लावली. यावेळी आमदार राहुल कुल, शांतीनाथ महाराज, उद्योगपती विकास ताकवणे,जिल्हा परिषद सदस्य सागर शेलार, माऊली ताकवणे,यांनी मनोगते व्यक्त केली
या प्रसंगी माजी आमदार रमेश थोरत, सयाजी ताकवणे, सर्जेराव जेधे, तुकाराम ताकवणे, चंद्रकांत नातू, रामभाऊ टुले, उत्तमराव ताकवले , यांच्यासह ट्रस्टचे विश्वस्त, पंचक्रोशीतील मान्यवर आणि हजारो भाविक उपस्थित होते.
या कार्यक्रमाचे प्रास्ताविक संतराज महाराज पवार ट्रस्ट चे अध्यक्ष ह. भ. प. नामदेव महाराज साठे यांनी केले तर उपाध्यक्ष बाळासाहेब थोरात यांनी सूत्रसंचालन केले. या वेळी पारगावचे माजी सरपंच सर्जेराव जेधे यांनी मंदिराच्या सुशोभीकरणासाठी ५ लाख रु. वर्गणी जाहीर केली.

 हेलिकॉप्टरमधून पुष्पवृष्टी पालखी प्रस्थानावेळी देलवडी येथील उद्योजक पोपटराव शेलार, चतुराबाई शेलार, माजी आमदार रंजना कुल, सिद्ध सद्गुरू शांतीनाथ महाराज यांच्या हस्ते पालखी सोहळ्यावर हेलिकॉप्टर मधून पुष्पवृष्टी करण्यात आली. या अनोख्या स्वागताने भाविकांमध्ये उत्साहाचे वातावरण निर्माण झाले.

संघर्ष नायक वृत्तसेवा

मुख्य संपादक:

sangharshnayak.co.in

The post श्री संतराज महाराज पालखीचे भक्तिमय वातावरणात प्रस्थान, हेलिकॉप्टर मधून पुष्पवृष्टी. appeared first on SANGHARSH NAYAK.

संघर्ष नायक वृत्तसेवा

मुख्य संपादक:

sangharshnayak.co.in

The post सागर शेलार यांना राज्य शासनाचा ‘छत्रपती शिवाजी महाराज वनश्री पुरस्कार’ जाहीरवनसंवर्धन क्षेत्रातील उल्लेखनीय कार्याची राज्यस्तरीय दखल; विविध मान्यवरांच्या समितीकडून निवड appeared first on SANGHARSH NAYAK.

मुख्यमंत्री समृद्ध पंचायत राज अभियान २०२५-२६ अंतर्गत ग्रामपंचायत पारगाव, ता. दौंड, येथे मूल्यांकन प्रक्रिया पार पडली.आज (दि.१३) रोजी पंचायत समिती उरण, जि. रायगड येथील विशेष मूल्यांकन समिती उपस्थित होती. यावेळी आलेल्या सर्व समिती अधिकाऱ्यांचे स्वागत करण्यात आले.छत्रपती शिवाजी महाराज यांच्या पुतळ्याला पुष्पहार घालून त्यांची गावच्या मुख्य पेठेतून सवाद्य मिरवणूक काढण्यात आली.

या समितीत उरण पंचायत समिती चे गट विकास अधिकारी सर्जेराव पाटील, विस्तार अधिकारी (पंचायत) विनोद मिंडे, विस्तार अधिकारी (आरोग्य) महेश काळे, विस्तार अधिकारी (कृषी) नरेश भोनकर तसेच तालुका समन्वयक हरिष आहेर यांनी ग्रामपंचायतीच्या विविध कामांचे सखोल मूल्यांकन केले.

अभियान कालावधीत पंचायत समिती दौंडचे गट विकास अधिकारी अरुण मरभळ, विस्तार अधिकारी संजय शिंदे तसेच कृषी अधिकारी रमेश भद्रोड यांनी मार्गदर्शन व सहकार्य केले. त्यांच्या मार्गदर्शनामुळे अभियानात प्रभावी सहभाग घेणे व मूल्यांकन समितीसमोर कामकाज सादर करणे शक्य झाल्याचे ग्रामपंचायत प्रशासनाकडून सांगण्यात आले.

यावेळी जिल्हा परिषद सदस्या डॉ. गायत्री खळदकर, पंचायत समिती सदस्या मनिषा ताकवणे, सरपंच सुभाष बोत्रे, उपसरपंच शुभांगी शिंदे, माजी उपसभापती सयाजी ताकवणे, कृषी उत्पन्न बाजार समितीचे संचालक आत्माराम ताकवणे, सोसायटी संचालक मच्छिंद्र ताकवणे, माजी तंटामुक्ती अध्यक्ष शामराव ताकवणे, ग्रामपंचायत सदस्य, पत्रकार, मुख्याध्यापक, शिक्षकवृंद, ग्रामपंचायत अधिकारी, अंगणवाडी सेविका, आशा स्वयंसेविका, आरोग्य कर्मचारी, बचत गट प्रतिनिधी व ग्रामपंचायत कर्मचारी मोठ्या संख्येने उपस्थित होते.कार्यक्रमाच्या शेवटी ग्रामविकास अधिकारी श्री. मुरलीधर बडे तसेच श्री. रामकृष्ण ताकवणे यांनी उपस्थितांचे आभार मानले.

संघर्ष नायक वृत्तसेवा

मुख्य संपादक:

sangharshnayak.co.in

The post मुख्यमंत्री ग्राम समृद्ध पंचायत राज अभियान अंतर्गत पारगाव ग्रामपंचायततीचे मूल्यांकन appeared first on SANGHARSH NAYAK.

पारगाव ता.दौंड येथील कर्मयोगी कुस्ती प्रशिक्षण केंद्रात सध्या उत्साहपूर्ण वातावरणात उन्हाळी कुस्ती शिबिर सुरू असून विविध तालुक्यांमधून या शिबिराला मोठा प्रतिसाद मिळत आहे. सातारा, शिरूर, दौंड, इंदापूर आणि मावळ तालुक्यातील तब्बल ७५ मुले या शिबिरात सहभागी झाली असून भविष्यात उत्कृष्ट पैलवान घडवण्याचा संकल्प या प्रशिक्षण केंद्रामार्फत राबविला जात आहे.
आजच्या मोबाईल आणि डिजिटल युगात मुलांना मैदानी खेळांची आवड निर्माण व्हावी, शरीर सुदृढ राहावे आणि ग्रामीण भागातील पारंपरिक कुस्ती संस्कृती जपली जावी या उद्देशाने या उन्हाळी शिबिराचे आयोजन करण्यात आले आहे. कुस्तीतील माती आणि गादी या दोन्ही प्रकारांमध्ये मुलांना विशेष प्रशिक्षण दिले जात असून प्रत्येक डाव, तंत्र, बारकावे, शारीरिक क्षमता, चपळता आणि मानसिक तयारी यावर अनुभवी प्रशिक्षकांकडून सखोल मार्गदर्शन केले जात आहे.
शिबिरामध्ये सहभागी खेळाडूंसाठी उत्कृष्ट निवास व्यवस्था, शिस्तबद्ध प्रशिक्षण आणि पौष्टिक आहाराची विशेष सोय करण्यात आली आहे. सकाळचा नाश्ता, दूध, बदामाची थंडाई, फळे तसेच दुपारच्या जेवणात दोन भाज्या, चटणी, लोणचे, दही यांचा समावेश असून संध्याकाळी आठवड्यातून चार वेळा मांसाहारी जेवण दिले जाते. अत्यंत माफक शुल्कात ही सुविधा उपलब्ध करून देण्यात आल्याने पालकांकडून समाधान व्यक्त केले जात आहे. खेळाडूंच्या शारीरिक विकासासाठी आवश्यक पोषणमूल्यांचा विशेष विचार केला जात असून मुलांना घरच्यासारखे वातावरण मिळत आहे.
राष्ट्रीय कुस्ती पंच पै. रवींद्र बोत्रे यांच्या मार्गदर्शनाखाली सर्व मुले सराव करीत आहेत.कर्मयोगी कुस्ती प्रशिक्षण केंद्राचे वैशिष्ट्य म्हणजे येथे केवळ शिबिरापुरते प्रशिक्षण न देता गुणवंत आणि कुस्तीची खरी आवड असलेल्या मुलांची निवड करून त्यांना पुढील काळात कायमस्वरूपी प्रशिक्षणाची संधी दिली जाते. या केंद्रातून आतापर्यंत राज्य व राष्ट्रीय स्तरावरील अनेक पैलवान घडले असून यंदाच्या शिबिरातूनही गुणवंत खेळाडू घडवण्यासाठी केंद्र प्रयत्नशील आहे.
ग्रामीण भागातील युवकांनी व्यसनांपासून दूर राहून खेळाकडे वळावे, शिस्तबद्ध जीवन जगावे आणि महाराष्ट्राची पारंपरिक कुस्ती संस्कृती अधिक बळकट व्हावी, या उद्देशातून हे शिबिर प्रेरणादायी ठरत आहे. परिसरातील पालक व नागरिकांकडून या उपक्रमाचे कौतुक होत असून भविष्यात अनेक नामांकित पैलवान या प्रशिक्षण केंद्रातून घडतील, असा विश्वास कर्मयोगी कुस्ती केंद्राचे प्रमुख मा. माऊली ताकवणे यांनी व्यक्त केले .

संघर्ष नायक वृत्तसेवा

मुख्य संपादक:

sangharshnayak.co.in

The post कर्मयोगी कुस्ती प्रशिक्षण केंद्राच्या उन्हाळी शिबिराला उत्स्फूर्त प्रतिसाद appeared first on SANGHARSH NAYAK.

अरुण बोत्रे यांनी शिक्षक म्हणून अनेक विद्यार्थ्यांना घडविले. तसेच श्री तुकाईदेवी ट्रस्टचे अध्यक्ष म्हणूनही त्यांनी जबाबदारी सांभाळली. स्पष्टवक्तेपणा, न्यायप्रिय स्वभाव आणि समाजातील प्रत्येक घटकाला आधार देणारे व्यक्तिमत्त्व म्हणून ते परिचित होते. गावातील अनेक वाद-विवाद शांतपणे सोडविणारे “चालते-बोलते न्यायालय” अशी त्यांची ओळख होती.

त्यांच्या अंत्यविधीस मोठ्या संख्येने ग्रामस्थ, नातेवाईक व विविध क्षेत्रातील मान्यवर उपस्थित होते. भाजपा दौंड तालुका सरचिटणीस वैभव बोत्रे यांचे ते वडील होत.
दशक्रिया विधी गुरुवार दि.१४ रोजी पारगाव भिमा नदी घाट या ठिकाणी होणार असून ह. भ. प. गणेश महाराज जगताप यांची प्रवचन सेवा होणार असल्याचे असल्याचे बोत्रे कुटुंबिया कडून सांगण्यात आले आहे.

संघर्ष नायक वृत्तसेवा

मुख्य संपादक:

sangharshnayak.co.in

The post पारगावचे माजी सरपंच अरुण बोत्रे यांचे निधन appeared first on SANGHARSH NAYAK.

दौंड तालुक्यातील नानगाव येथे ग्रामस्थांच्या लोकवर्गणीतून उभारण्यात आलेल्या वैकुंठ रथाच्या पूजन सोहळ्याला गुरुवारी (दि. ७) उत्साहपूर्ण वातावरणात पार पडला. गावातील अंत्यसंस्कार व्यवस्थेसाठी आवश्यक असलेल्या वाहनाची कमतरता लक्षात घेऊन ग्रामस्थांनी एकजुटीने पुढाकार घेत हा समाजोपयोगी उपक्रम साकारला.

गावातील वाड्या-वस्त्यांवर राहणाऱ्या नागरिकांना रात्री-अपरात्री भीमा नदीलगत असलेल्या स्मशानभूमीत अंत्यविधीसाठी जाण्यास मोठ्या अडचणींचा सामना करावा लागत होता. मृतदेह वाहतुकीसाठी योग्य वाहन उपलब्ध नसल्याने ग्रामस्थांची अनेकदा गैरसोय होत होती. ही समस्या कायमची दूर करण्यासाठी ग्रामस्थांनी लोकवर्गणी उभारण्याचा निर्णय घेतला.

गावातील दानशूर नागरिकांच्या सहकार्याने तब्बल ३ लाख ४० हजार रुपयांची रक्कम जमा करण्यात आली. या निधीतून सुसज्ज आणि आकर्षक वैकुंठ रथ तयार करण्यात आला असून, आता गावकऱ्यांची मोठी सोय झाली आहे. या उपक्रमामुळे सामाजिक बांधिलकीचे दर्शन घडले असून, सर्व स्तरांतून या संकल्पनेचे कौतुक होत आहे.

हा उपक्रम यशस्वी करण्यासाठी सुदाम खळदकर, सी. बी. खळदकर, विश्वास भोसले, दादासो खळदकर, प्रल्हाद रासकर आणि दीपक पवार यांनी विशेष पुढाकार घेतला. त्यांच्या प्रयत्नांमुळे नानगावमध्ये एक आदर्श उपक्रम उभा राहिला आहे.

दरम्यान, या आकर्षक वैकुंठ रथाची निर्मिती अहिल्यानगर येथील बेलवंडी फाटा परिसरातील प्रसिद्ध कारागीर टिळेकर बंधूंनी केली आहे. नानगावच्या या उपक्रमातून तालुक्यातील इतर गावांनाही प्रेरणा मिळणार असून, अशा प्रकारची संकल्पना ग्रामीण भागात अधिक व्यापक होण्याची शक्यता व्यक्त होत आहे.

संघर्ष नायक वृत्तसेवा

मुख्य संपादक:

sangharshnayak.co.in

The post लोकवर्गणीतून नानगावची वैकुंठ रथाची गरज पूर्ण appeared first on SANGHARSH NAYAK.

दौंड तालुक्यातील पारगाव येथील तरुण रत्नाकर भाऊसाहेब ताकवणे वय (४२) यांचे शुक्रवार दि.(२४) रोजी तीव्र हृदय विकाराने निधन झाले.भाजपा दौंड तालुका माजी अध्यक्ष माऊली ताकवणे यांचे ते पुतणे होते.
रत्नाकर ताकवणे यांना आबा या टोपण नावाने परिसरात परिचित होते.अतिशय मितभाषी व अजात शत्रू असणाऱ्या आबांच्या अंत्यविधीला मोठा जनसागर लोटला होता.
त्यांच्या पश्चात पत्नी, आई, वडील, दोन मुले,दोन बहिणी, बंधू,भावजय,दोन चुलते, दोन चुलत्या,तीन चुलत बंधू, दोन चुलत बहिणी,असा मोठा परिवार आहे.आबा यांच्या जाण्याने ताकवणे कुटुंबावर आणि परिसरावर शोककळा पसरली आहे.

रत्नाकर ताकवणे यांचा दशक्रिया विधी मंगळवार दि. २८ रोजी भिमा नदी घाट पारगाव या ठिकाणी होणार असून या दशक्रिया वेळी आरोग्य प्रबोधनकार डॉ. नामदेव रावसाहेब नरवडे यांची प्रबोधन सेवा होणार असल्याची माहिती ताकवणे परिवारातील व कृषी उत्पन्न बाजार समिती चे संचालक अतुल ताकवणे यांनी दिली .

संघर्ष नायक वृत्तसेवा

मुख्य संपादक:

sangharshnayak.co.in

The post रत्नाकर ताकवणे यांच्या निधनाने ताकवणे कुटुंबियांवर शोककळा…. appeared first on SANGHARSH NAYAK.

कुरकुंभ (ता. दौंड) येथे कायद्याचा धाक संपलाय का, असा सवाल उपस्थित करणारी धक्कादायक बाब कुरकुंभ परिसरात उघडकीस येत आहे. कुरकुंभ पोलीस ठाण्याच्या अगदी हाकेच्या अंतरावरच अवैध मटका व्यवसाय खुलेआम आणि जोमात सुरू असल्याचे चित्र समोर आले आहे. त्यामुळे पोलीस प्रशासनाच्या कार्यक्षमतेवरच प्रश्नचिन्ह निर्माण झाले आहे.

पुणे–सोलापूर महामार्गावर पुण्याच्या दिशेने जाणाऱ्या सेवा रस्त्यालगत, कुरकुंभ पुलाजवळील स्थानक परिसरात हा मटका अड्डा सुरू असल्याची माहिती स्थानिकांकडून मिळत आहे. दिवसरात्र सुरू असलेल्या या अवैध धंद्यामुळे परिसरातील वातावरण दूषित होत असून, तरुण पिढी चुकीच्या मार्गाला लागण्याचा धोका वाढला आहे. विशेष म्हणजे, इतक्या उघडपणे सुरू असलेला हा व्यवसाय पोलीसांच्या नजरेतून कसा सुटतो, हा प्रश्न सर्वसामान्य नागरिकांना पडला आहे.

स्थानिक नागरिकांमध्ये याबाबत तीव्र नाराजी व्यक्त होत आहे. “पोलीस ठाण्याच्या जवळच हा प्रकार सुरू असेल, तर दूरच्या भागात काय चालत असेल?” असा संतप्त सवाल नागरिक करत आहेत. काहींच्या मते, या अवैध व्यवसायाला कुणाचे तरी ‘अभय’ मिळत असल्याशिवाय इतक्या निर्भीडपणे हा धंदा चालू शकत नाही. त्यामुळे या प्रकरणाची सखोल चौकशी करून संबंधितांवर कठोर कारवाई करावी, अशी मागणी जोर धरत आहे.

मटका हा केवळ बेकायदेशीर व्यवसाय नसून, तो अनेक कुटुंबांच्या आर्थिक आणि सामाजिक आयुष्याचा विनाश करणारा विषारी विळखा आहे. तरीही प्रशासनाच्या निष्क्रियतेमुळे अशा अड्ड्यांना चालना मिळत असल्याचे दिसून येते. यामुळे शासनाच्या ‘कायद्याचे राज्य’ या संकल्पनेलाच धक्का बसत आहे.

या गंभीर प्रकरणाची दखल घेऊन वरिष्ठ पोलीस अधिकाऱ्यांनी तात्काळ हस्तक्षेप करावा, संबंधित मटका अड्ड्यावर छापा टाकून कारवाई करावी आणि या मागील सूत्रधारांचा पर्दाफाश करावा, अशी मागणी आता जोर धरत आहे. अन्यथा, नागरिकांचा कायद्यावरील विश्वास आणखी ढासळण्याची भीती व्यक्त होत आहे.

दौंड पोलीस ठाण्याचे पोलीस निरीक्षक गोपाळ पवार यांच्याशी संपर्क केला असता ते मिटिंग मध्ये असल्याचे सांगण्यात आले असून अधिकची माहिती मिळू शकली नाही .

संघर्ष नायक वृत्तसेवा

मुख्य संपादक:

sangharshnayak.co.in

The post “कायद्याला हरताळ फासून कुरकुंभमध्ये मटका व्यवसाय तेजीत”…मटका किंग बिनधास्त… appeared first on SANGHARSH NAYAK.